රංජන් පාර්ලිමේන්තුව දෙදරවයි 224ම හාන්සී කට්ටිය මීක් නෑ

අත්අඩංගුවට ගෙන රක්ෂිත බන්ධනාගාර ගත කර සිටින එක්සත් ජාතික පක්ෂයේ පාර්ලිමේන්තු මන්ත්‍රි රන්ජන් රාමනායක පාර්ලිමේන්තුවේදී විශේෂ ප්‍රකාශයක් සිදුකරනු ලැබුවා.

විශේෂ ප්‍රකාශයක් සිදුකරමින් රන්ජන් රාමනායක මන්ත්‍රිවරයා කියා සිටියේ තමන් ගේ නිවසේ තිබු හඬ පට නිසා පවුල් ගැටළු ඇතිවූ, සිත් තැවුල් ඇතිවූ හිරුණිකා ප්‍රේමචන්ද්‍ර මන්ත්‍රිවරිය ඇතුළු සියලු දෙනාගෙන් සමාව ඉල්ලා සිටින බවයි. එම හඬ පට අඩංගු දෘඩ තැටි නිවසේ තබාගෙන සිටියේ බොරු කියන පුද්ගලයින් සිටින මේ රටේ ජනතාවගේ මුදල් විනාශ කරන සොරුන්ට එරෙහිව සිදුකරනු ලබන මෙහෙයුමේදී අවශ්‍ය සාක්ෂි ළඟ තබා ගැනීමේ අවශ්‍යතාවය හේතුවෙන් බවයි.

දුෂණයට එරෙහිව මා සමග කතා කළ තොරතුරු දුන් අධිකරණ නිලධාරීන්, පොලිස් නිලධාරීන් ඇතුළු සියලු දෙනා ගෙන් ඉල්ලා සිටිනවා, පටන් ගත් සටන ජයග්‍රහණය තෙක් අත්නොහරින්නයි කියලා රන්ජන් රාමනායක මන්ත්‍රිවරයා කියා සිටියා.

එක්තරා මාධ්‍ය නාලිකාවක් විසින් තමන්ව ඉලක්ක කර ගනිමින් මෙම හඬ පට නිකුත් කිරීම සිදුකරනු ලබන බවයි මෙහිදී මන්ත්‍රිවරයා කියා සිටියේ.

අගමැති මහින්ද රාජපක්ෂ මහතා පසුගියදා ප්‍රකාශ කර සිටියේ මෙම හඬ පට සම්බන්ධයෙන් විමර්ශනය කිරීමට විශේෂ කොමිසමක් පත් කළ යුතු බවයි. එලෙස විශේෂ කොමිසමක් පත් කිරීමට හැකි නම් සිදුකරන ලෙසත් එම කොමිසමට තමන් ෆයිල් පිටින් රැගෙන එන බවයි රන්ජන් රාමනායක මන්ත්‍රිවරයා කියා සිටියේ.

Leave a Reply

Your email address will not be published. Required fields are marked *

Next Post

ප්ලැටිපස් මෙලොවින් සමුගනියි?

Tue Jan 21 , 2020
ජනවාරි 20 වන දින ප්‍රකාශයට පත් කරන ලද අධ්‍යයනයකින් හෙළි වූයේ දීර්ඝ නියඟය සහ දේශගුණික විපර්යාසයන්ගේ වෙනත් බලපෑම් හේතුවෙන් ඕස්ට්‍රේලියාවේ ප්ලැටිපස් ජනගහනය වඳ වී යාමට ඉඩ ඇති බවයි.පර්යේෂකයන්ට අනුව, නියඟය, ඉඩම් ආක්‍රමනය කිරීම, පරිසර දූෂණය සහ වේලි තැනීම හේතුවෙන් සත්වයාගේ වාසස්ථාන අහිමිවීම බව අනාවරණය කර ඇත.ඔවුන් අනාවැකි පළ කළේ මෙය […]